Ílm Ka Maqsad

Chahte Hain Ke Ham Khoob Taraqqi Karen. Unche Se Unche Maqām Hāsil Karen.

Par Main Puchhtā Huñ Ke Tumhāri In Khwāhishāt Ka Maqsad Kya Hai? Kyun Tum Chahte Ho Ke Tum Unche Maqām Unche Ohde Hāsil Karo?

Kahiñ In Khwāhishāt Ka Maqsad Sirf Apne Khwāboñ Ko Purā Karna To Nahiñ? Kisi Ko Neechā Dikhana To Nahiñ? Ya Kisi Se Koi Hirs To Nahiñ?

Agar Wāqai Tumhāri Khwāhishāt Ke Peechhe Yahi Wujoohāt Haiñ To Yaqeen Jāniye Āp Sirf Padh Likh Gaye Haiñ Lekin Haqeeqi Maynoñ Main Insān Nahiñ Bane Haiñ.

Achchhi Bāt Hai Āp Apne Liye Apne Ghar Waloñ Ke Liye Kuchh Achchha Aur Bada Karna Chahte Haiñ. Lekin Maqsad e Ta’leem Sirf Ye Nahiñ Hai Mere Azeez! Maqsad e Husool e Ílm To Kuchh Aur Hi Hai.

Aao Main Tumhe Samjhāne Ki Koshish Karta Hun. Dekho Ílm Ka Sabse Aham Maqsad Insān Ko Insāniyat Se Āgāh Karānā Hai. Use Ye Batānā Hai Ke Tumhe Fāni Cheezoñ Main Nahin Ulajhna Hai. Fāni Cheezoñ Ke Peechhe Kisi Se Apne Rishte Ko Kharāb Nahin Karna Hai. Fāni Duniya Ke Liye Kisi Ka Dil Nahin Dukhānā Hai. Balki Agar Tumhe Mauqā Milta Hai To Tum Khushiyoñ Ko Auroñ Maiñ Bañto Aur Auroñ Ke Ghamoñ Maiñ Shareek Raho.

Ílm Ek Nāyāb Cheez Hai Iska Ghalat Iste’māl Na Karo. Iske Husool Ka Maqsad Sirf Rozi Rotī Hāsil Karna Nahin Hai Sirf Achchhe Kapde Unche Bangle Lambi Gādiyañ Khareed Lena Nahiñ Hai.

Mere Azeez Āj Ke Waqt Maiñ Tumhe Ílm Ka Sahī Iste’mal Batane Wāle Bahut Kam Milenge Aur Sahī Iste’mal Karne Wāle Aur Bhi Kam. Yahi Wajah Hai Hamare Muāshre Main Āj Pehle Se Zyada Scientists, Doctors, Engineers Aur Teachers Hain Par Insān Pehle Se Kam Hain Insāniyat Pehle Se Kam Hai. Wajah Wahi Hai Ke Āj Ta’leem Ka Maqsad Kuchh Aur Hi Kar Diya Gayā Hai.

Ae Mere Azeez Agar Tumhe Ye Bateñ Samajh Aen Pasand Aen To Tum Zarūr Sahi Maqsad Ke Liye Ílm Aur Ta’leem Ka Iste’mal Karna. Aur Is Paighām Ko Āge Badha Dena.

Shukriya!

Advertisements

BEHISI KA ĀLAM

Kitni behis qaum hain ham.Iraq, Afghanistan,Libya,Syria aur Yemen ke lut jane ke bad bhi ham kitne befikr o beparwāh hain.Ye hamari qaum ki fikri taur par ek tarah se maut hai.Murdar qaum ki tarah jee rahe hain.Beghayrati bhare videos aur foohad mazak dekh sunkar khush ho jate hain.Hamare status sirf ha-ha hoo hoo se bhare hue hain.Koi fikr koi nazariya nahin hamare zehen main.Abhi charcha karwalo to 2 hazār kamiyan apni qaum mai gina denge ham! Par khud se kabhi koi beeda uthane ham nahin ate.Ye tumhari behisi tumhe gharq kar rahi hai dhire dhire.Tumhe sharm nahin āti kya? Kabhi hālāt ka jayeza liya hai? Ye jo smartphone liye gumte ho kabhi iska sahi use kiya hai? Itni zyada behisi ka ālam hai ke ham apne hālāt par khud charcha nahin karna chahte! Kya ho gaya hai hame’n? Jago aur jagāo! Hosh main aao abhi der nahin hui hai!

Kalma Padhāne Ka Bhi Ehsān Gayā

Ab jahan se gharwale chahenge wahin se shadi hogi.Ye to sab mere ustād ki badaulat hāsil hua hai.Agar tum na hote to āj mujhe ye qāmyābi na milti.Tumhara mere ūpar bahut ehsān tumhare baghair ye sab mumkin na tha.
Ye sab baten apko normal lagti hain koi shirk ismen nahin dikhta par Jaha’n maine ye kaha ke ALLAH aur Uske RASOOL ke karam se mujhe ye hasil hua apko foran shirk nazar ane laga, jese hi mene kaha ke Jahan ALLAH aur Uske RASOOL chahenge wahin dakhila lunga ap cheekh pade Haza Shirk! Haza Shirk!! Upar likhi ibārāt main koi shirk nahin par Jahan mene RASŪLALLAH ka Nām e Pāk liya apke pet mai dard ho gaya. (SAL-LAL-LAHO ALAIHE WASALLAM) Gharwalon ke chahne se kuchh ho sakta hai Par RASŪLALLAH ke chahne se kuchh nahin ho sakta? Ustad ki badaulat qāmyābi mil sakti hai par RASŪLALLAH ke karam se nahin mil sakti? Dost ka ehsan mana jayega par RASŪLALLAH ka ‘azeem ehsan manna shirk? Ye ehsan faramoshi aur badbakhti nahin hai to aur kya hai? Esa hai hosh ki dawa le lo sidhi Bareilly Shareef ki train pakdo kiraya ham de denge babu!Kab tak logon ko apne daam e fareb mai fansaoge?
Aur tum Par Mere ĀQĀ Ki ‘Inayat Na Sahi
najdiyon Kalma Padhāne Ka Bhi Ehsan Gaya
(SALLALLAHO ALAIHE WASALLAM)

Ahl e Sunnat Ka Hai Beda Paar

Ahl e Sunnat Ka Hai Beda Paar As’hāb e Huzoor

Najm Hai’n Aur Nāo’n Hain Itrat RASOOLULLAH Ki

SAL-LAL-LAHO TA-ĀLA ALAIHE WASALLAM

RIDWANULLAHA TA-ĀLA ALAIHIM AJMAEEN

Is Sher Se Imam e Ahl e Sunnat AshShah Imām Ahmad Raza Khan Fazil e Bareilvi RADIALLAHO TA-ĀLA ANH ye batana chahte hain ke ham Ahl e Sunnat Wal Jama-at Sahaba e Kirām aur Ahl e Bayt e At’hār Dono Ki Pairvi Aur Dono’n Se Muhabbat Karte Hain Aur Isiliye Hamara Beda Paar Hai Jo Ki Hadees e Paak Se Zāhir Hai.

(RIDWANULLAHA TA-ĀLA ALAIHIM AJMAEEN)

Materialism

Itni Zyada Pair Pasaar Chuki Hai Ye Cheez Hamare Andar Ke Ham Chahkar Bhi Isse Chhutkara Nahi’n Hasil Kar Pa Rahe.

Iski Wajah Ye Hai Ke Hamne Mazhabi Kitabo’n Se Doori Bana Li Hai. Buzurgo’n Ke Paas Bethna Chhod Diya. Ghuraba(Plural of Ghareeb) Ki Taraf Muhabbat Se Dekhna Chhod Diya. Yaha’n Tak Ke Muskurana Bhool Gaye Hain.

Ham Sirf Dikhawa Karte Hain. Ham Pehente Dikhane Ke Liye Hain. Ham Khate Dikhane Ke Liye Hain. Yaha’n Tak Ke Ibaadat Bhi Dikhane Ke Liye Karte Hain. Zakaat o Khairat, Sadqa o Qurbani Aur Imdaad o Hausla-Afzai Sab Dikhane Ke Liye Karte Hain.

Hamne Kya Kiya Abtak? Jo Kiya Khud Ke Liye Kiya. Yaha’n Tak Ke Apne Maa’n-Baap Ko Bhi Apni Tawajjo Ke Qaabil Nahi’n Samjha. Apne Bhaiyo’n-Beheno’n Ko Shafqat o Izzat Ke Layaq Nahin Samjha. Padosi Ko Padosi Nahi’n Samjha. Ustad Ki Beqadri Ki. Biwi Ko Maara Peeta. Shauhar Se Bad-Kalaami Ki. Bachcho’n Ko Achchhi Tarbiyat Se Door Rakha. Unke Mustaqbil Ki Fikr Ko Nazar-Andaaz Karte Rahe. Hatta Ke Wo Ham Se Bhi Is ‘Nai Tehzeeb’ Main Aage Nikal Gaye. Aur Phir Sar Peet-te Rahe. Rote Aur Bilakhte Rahe. Pachhtane Ka Waqt Hi Nahi’n Mila Aur Ghar Se Uthakar Bahar Phenk Diye Gaye.

Kyun Hua Esa?Kyunki Ham Sirf Maal o Daulat, Aish o Ishrat Aur Nafrat o Bughz Ko Apne Seene Se Lagaye Rakhte Rahe! Muhabbat, Khuloos, Ikhwat,Wafadari o Burdbari Se Hamesha Door Rahe. Shohrat o Daulat Ki Bhookh Ne Sab Bhula Diya!

Ab Bhi Waqt Hai Ke Khud Ko Sambhala Jaye.Isse Pehle Ke Ye Haal Hamara Ho Jaye.

Aiye Ek Farmabardar Bete/Beti Bante Hain. Ek Sanjeedah Walid/Walidah Ka Kirdar Nibhate Hain. Samaaj Ko Purane Dino’n Ki Tarah Khushgawaar Banate Hain. Khushboo Failate Hain. Chaman Mehkate Hain.IN-SHA-ALLAH! AAMEEN!

Hindustan Zindabaad Paa’indbaad!

Let’s Kill Our Selfish Desires…

  • Zeher Peene Se ‘Bhooka’ Nahin Marta ..Wo To Marta Hai Bas Do Roti Ke Liye…
  • Khwahishaat Ko Maarna…Apni Khwahishat Ko Doosre Ki Zaroorat Poori Karne Ke Liye Nazar-Andaaz Karna…Bade Jigar Walon Ke Bas Ki Baat Hai…Kiski Khwahish Nahin Hoti Ke Wo Achchha Achchha Khae Achchha Achchha Peeye? Kon Nahin Chahta Ke Jab Wo Apne Ghar Se Nikle To Baahar Wale Use Mud Mud Kar Dekhen? Uske Kapde Uske Joote Yahan Tak Ke Uske Hairstyle Ki Tareef Karen…Kon Nahin Chahta Ke Wo Roz Ya Hafte Main Ya Maheene Main Kamse Kam Ek Baar Kisi Bade Restaurant Main Jaakar Lunch Ya Dinner Kare?Kaun Nahin Chahte Ke Uski Naukri Lagne Ya Kisi Bade Test Ko Qualify Karne Ki Khabar Door Door Tak Phail Jaye…
  • Ye To Do Chaar Misaalen Hain Hamari Aam Khwahishaat Ki…Warna Poori Zindagi Lag Jaye Khwahishaat Ki Qismain Batane Main… Lekin Yahan Misaalen Dene Ka Ek Maqsad Hai…Wo Ye Ke Kya Ham Sirf Odhne Pehenne Khane Peene Ke Liye Hi Aaye Hain?
  • Kya Doosron Ko Apni Shaan o Shauqat Dikhana Hamare Yahan Hone Ka Asl Maqsad Hai?
  • Chahen Aap Kisi Bhi Mazhab Ke Manne Wale Hon…Par Ye Sabhi Jante Hain Ke Duniya Main Aane Ka Maqsad Sirf Aur Sirf Khwahishaat Ko Poora Karna Qatai Nahin Hai…
  • Aaj Ham Colleges,Institutions Aur Universities Main Admission Lete Hain…Padhte Hain…Par Kis Liye? Main Bahut Se Ese Logon Se Mila Hoon Jinke Padhne Likhne Ka Maqsad Sirf Aage Chalkar Aesh Karna Tha…Kya Yahi Education Hai?
  • Haan Main Maanta Hoon Ke Naukri Chaakri Haasil Karna Achchhi Baat Hai…Taa’leem Haasil Karna Bahut Achchhi Baat Hai…Par Maqsad Kya Hai Iske Peechhe? Ye Zyada Aham Baat Hai..
  • Kya Ham Aesa Nahin Soch Sakte Ke “Haan Main Padh Likhkar Ek Achchhi Naukri Haasil Karunga/gi Aur Besahara Logon Ki Madad Karunga/gi …Khud Thode Kam Paeson Wale Kapde Pehen Lunga/gi Par Baahar Footpath Par Sone Wale Kam Se Kam Ek Insaan Ko Zaroor Kapde Banaunga/gi” Ye Sirf Ek Misaal Hai…Warna Agar Ham Is Tarah Sochna Shuru Karden Naa.. To Laakhon Tareeqe Nikal Aayenge Madad Karne Ke..
  • Par Hamen Kya? Hamare Chehre Chamakne Chahiye…Hamare Suit Boot Main Kami Na Aane Paaye…Maine Kai Log Dekhe Jo Jab Padhte The To Bahut Badi Badi Haankte The..Humanitarian Bana Karte The…Main Ye Kardunga Wo Kardunga… Par Jab Unhe Karne Ka Mauqa RAB Ne Diya To Wo Apni Khwahishaat Puri Karne Main Masroof Ho Gaye…Sab Bhool Gaye Jo Kehte The..Afsos..
  • To Aaj Hamen Sochna Chahiye…Sirf Bak Bak Baazi Aur Social Networking Sites Par Post Banakar Share Karne Se Kuchh Nahin Hoga…Maidan e Amal Main Aane Se Hi Kuchh Hoga…Kathni Aur Karni Jab Ek Hogi Tabhi Hamara Samaaj Achchhai Ki Taraf Jayega…
  • Kya Ham Apni Kisi Ek Khwahish Ko Taal Nahin Sakte ? Aur Zarooratmandon Ki Madad Nahin Kar Sakte? Haan Zaroor Kar Sakte Hain…Basharte Ke Hamare Seenon Ke Andar Dhadakte Hue Dil Main Zara Bhi Insaaniyat Ho…
  • IN-SHA-ALLAH Khwahishaat Ko Tark Karenge.. Behisi Ko Ghark Karenge...
  • Hindustan Zindabaad…Paaindabaad…